စစ်တမ်းကောက်ချက်တွေနဲ့ သုတေသီတွေ ဖွင့်ဟလိုက်တဲ့ အိမ်ထောင်ရေး ရှည်ကြာစေဖို့အတွက်

စစ်တမ်းကောက်ချက်တွေနဲ့ သုတေသီတွေ ဖွင့်ဟလိုက်တဲ့ အိမ်ထောင်ရေး ရှည်ကြာစေဖို့အတွက်...
Myanmar Online News's Facebook Wall / Myanmar Online News / 1 hours ago

စစ်တမ်းကောက်ချက်တွေနဲ့ သုတေသီတွေ ဖွင့်ဟလိုက်တဲ့ အိမ်ထောင်ရေး ရှည်ကြာစေဖို့အတွက် အရေးအကြီးဆုံးအချက်များ
Wednesday, October 15, 2014

တစ်ပတ်တစ်ခါနီးပါး ထွက်ရှိလာတဲ့ အိမ်ထောင်ရေးတည်မြဲစေမယ့် အကြောင်းအရာတွေ သင်သိရှိပြီးသားဖြစ်ပါလိမ့်မယ်။ စစ်တမ်းကောက်ချက်တွေအရ၊ သုတေသီတွေနဲ့ နှလုံးသားရေးရာအကြံပေး စသူတို့ရဲ့ ဖွင့်ဟချက်တွေအရ အိမ်ထောင်ရေးခိုင်မြဲစေဖို့၊ ကြာရှည်စေဖို့ ထိန်းသိမ်းရမယ့်နည်းတွေဟာ အသစ်တွေ တိုးလာပါပြီ။ ဒီတော့ ဖော်ပြပြီးသားအချက်တွေရော၊ အသစ်ထွက်ရှိလာတဲ့အချက်တွေအားလုံးကို ခုလို ဖော်ပြပေးလိုက်ပါတယ်။

၁။စေ့စပ်လက်စွပ်ကို အပေါစားမ၀ယ်ပါနဲ့။ တတ်နိုင်သလောက် ကောင်းကောင်းဝယ်ဖို့လိုပါတယ်။

ဒါဟာ ဘာကြီးများလဲဆိုပြီး အူကြောင်ကြောင်ဖြစ်စေမယ့် အချက်ပါပဲ။ ဒါပေမယ့် Emory တက္ကသိုလ်က လေ့လာချက်တွေအရ စေ့စပ်လက်စွပ်ကို ဈေးကြီးပေးဝယ်ကာ လက်ထပ်ခွင့်တောင်းတဲ့ သူတွေဟာ အပေါစားလက်စွပ်၊ ဖြစ်သလို ၀ယ်ကာ လက်ထပ်ခွင့်တောင်းသူတွေထက် အိမ်ထောင်ကွဲဖို့ ရာခိုင်နှုန်းနည်းတယ်လို့ သိရပါတယ်။ ရာခိုင်နှုန်းအတိအကျကတော့ ၃၉ရာခိုင်နှုန်းပိုနည်းတာပါ။

၂။ငွေရှာနိုင်တဲ့သူ ဖြစ်ပါစေ။

အထက်တန်းစား ချမ်းသာတဲ့သူဌေးမဟုတ်တောင် လူတန်းစေ့နေနိုင်၊ သွားနိုင်၊ သုံးနိုင်တဲ့သူ ဖြစ်နေရပါမယ်။ သင်ငွေရှာနိုင်မှ ဖြစ်မှာပါ။ ပျော်ရွှင်မှုကို ငွေနဲ့ဝယ်လို့မရနိုင်ရင်တောင် ငွေရှိတော့ သင့်မှာ စိတ်ဖိစီးမှုနည်းသွားပါလိမ့်မယ်။ ဒါအရေးကြီးတဲ့ အချက်ပါ။

၃။ဘုရားသွားကျောင်းတက် အတူဖြစ်ပါစေ။

ခရစ်ယာန်ဘာသာဝင်ဆို တနင်္ဂနွေနေ့တိုင်း နှစ်ဦးသား ဘုရားကျောင်းအတူတက်တာမျိုး၊ ဒါမှမဟုတ် ဗုဒ္ဓဘာသာဆိုရင်လည်း အပတ်တိုင်း ဘုရားသွားတာ၊ လတိုင်း ဘုရားသွားတာမျိုးလေး ပုံမှန်လုပ်ပေးဖို့လိုပါတယ်။

၎။သူ့ရဲ့အတွင်းစိတ်ကို ချစ်နိုင်အောင်ကြိုးစားပါ။ အူကြောင်ကြောင်လုပ်ရပ်တွေကိုလည်း နားလည်အောင်ကြိုးစားပါ။

သင့်ချစ်သူရဲ့ မျက်နှာလေးကို သဘောကျပြီး လက်ထပ်လိုက်တာမျိုးထက် သူ့ရဲ့ စိတ်နေစိတ်ထားကိုပါ သဘောကျအောင် ကြိုးစားပါ။ စိတ်အလှကို မြင်အောင်ကြည့်ပါ။ အရေးကြီးတာက သူ့ရဲ့ဆိုးကွက်ကိုလည်း သည်းခံနိုင်တဲ့သူ ဖြစ်ရပါမယ်။

၅။မင်္ဂလာဆောင်တဲ့အခါ ဈေးသက်သာပြီး ပွဲကြီးကြီးကျင်းပနိုင်အောင် လုပ်ပါ။

နောက်ဆုံးထွက်ရှိထားတဲ့ လေ့လာချက်တွေအရ မင်္ဂလာဆောင်တဲ့အခါ အသိမိတ်ဆွေများများနဲ့ သိုက်သိုက်ဝန်းဝန်း မင်္ဂလာပွဲကျင်းပနိုင်တဲ့သူတွေဟာ ပိုအိမ်ထောင်မြဲပါတယ်တဲ့။ ဒါဟာ နောက်ပိုင်း အိမ်ထောင်ကွဲတဲ့အခါ လူသိရှင်ကြား လက်ထပ်ထားတဲ့အတွက် ရှက်တာမျိုးကြောင့်လည်း ဖြစ်နိုင်သလို နှစ်ဦးသား ကတောက်ကဆဖြစ်တဲ့အခါ ၀ိုင်းဝန်းပြောဆိုပေးမယ့်၊ ကူညီပေးမယ့်သူတွေ များတာကြောင့် ဖြစ်နိုင်တယ်လို့ ဆိုထားပါတယ်။

၆။ဟန်းနီးမွန်း သွားဖြစ်အောင်သွားပါ။

The Emory က လေ့လာတွေ့ရှိချက်နောက်တစ်ခုကတော့ မင်္ဂလာဆောင်ပြီး ဟန်းနီးမွန်းသွားတဲ့သူတွေဟာ မသွားတဲ့သူတွေထက် ၄၁ရာခိုင်နှုန်း အိမ်ထောင်ကွဲခြင်းကို လျှော့ချပစ်နိုင်တယ်လို့ ဆိုထားပါတယ်။

၇။အိမ်မှုကိစ္စတွေကို တာဝန်ခွဲပြီးလုပ်ဆောင်ပါ။

Missouri တက္ကသိုလ်၊ Brigham Young တက္ကသိုလ် နဲ့ Utah တက္ကသိုလ်ရဲ့ လေ့လာချက်တွေအရ အိမ်မှုကိစ္စတွေကို ခွဲဝေလုပ်ဆောင်ခြင်းဟာ နှစ်ဦးစလုံးအတွက် ပျော်ရွှင်မှုပိုရစေလို့ သိရပါတယ်။ တကယ်လို့ အိမ်အလုပ်တွေ လုပ်ရတာ မုန်းတဲ့သူဆိုရင်လည်း အဲ့ဒီအစားတစ်ခုခုကို ပိုတာဝန်ယူပေးတာမျိုး အစားထိုးလုပ်ဆောင်ပေးတာမျိုး ဖြစ်သင့်ပါတယ်။

၈။အိမ်ထောင်ပြုပြီးတဲ့အခါ အခြားသူငယ်ချင်းစုံတွဲတွေနဲ့ တွေ့ဆုံတာ၊ အပြင်ထွက်လည်ပတ်တာမျိုးတွေ လုပ်ပေးပါ။

ကယ်လီဖိုးနီးယားတက္ကသိုလ်က လေ့လာတွေ့ရှိချက်တစ်ခုကတော့ အိမ်ထောင်သည် အတွဲနှစ်တွဲ မကြာခဏတွေ့ဆုံပြီး အတူသွားလာခြင်းဟာ သူတို့ရဲ့အိမ်ထောင်ရေးကို ပိုခိုင်မြဲစေပါတယ်တဲ့။ အိမ်ထောင်တစ်ခုမှာ ဘာတွေလိုအပ်တယ် ဆိုတာ ပြောဖြစ်တယ်၊ ကိုယ်ကတော့ဘယ်လို၊ သူကတော့ ဘယ်လိုစသဖြင့် အကြံဥာဏ်တွေလည်း ယူဖြစ်တာကြောင့် ဖြစ်ပါတယ်။

၉။ဆေးလိပ်မသောက်ပါနဲ့။

ဒီလေ့လာတွေ့ရှိချက်ကတော့ Minnesota တက္ကသိုလ်ကနေ ထုတ်ပြန်ထားတာပါ။ ဆေးလိပ်မသောက်တဲ့သူရဲ့ အိမ်ထောင်ရေးဟာ ဆေးလိပ်သောက်သူရဲ့အိမ်ထောင်ရေးထက် ပိုမိုရှည်ကြာတတ်တယ်လို့ ရာခိုင်နှုန်းနဲ့ကို ဖော်ပြထားတာပါ။ ပိုမိုနည်းပါးတဲ့ ရာခိုင်နှုန်းကတော့ ၅၃ရာခိုင်နှုန်းပါ။

၁၀။အိမ်ထောင်ရေးအကြောင်း၊ နှစ်ဦးသားမျှော်လင့်ချက်အကြောင်းကို ဆွေးနွေးပါ။

အိမ်ထောင်ကျပြီးတာနဲ့ အချစ်အကြောင်း၊ အိမ်ထောင်ရေးသာယာစေဖို့အကြောင်းတွေ ဆွေးနွေးဖို့ မလိုအပ်တော့ဘူးလို့ မထင်လိုက်ပါနဲ့။ ရုပ်ရှင်ကြည့်ရင်း ရုပ်ရှင်ကားထဲက အိမ်ထောင်ရေးကိစ္စရပ်ကို နှစ်ဦးသား ဆွေးနွေးတာ၊ သူ့အမြင် ဘယ်လိုရှိတယ်၊ သူ မျှော်လင့်နေတာ၊ ဖြစ်ချင်နေတာ ဘာလဲဆိုတာ သိထားမယ်ဆိုရင် နှစ်ဦးသားသံယောဇဉ် ပိုမိုခိုင်မြဲမှာ အမှန်ပါပဲ။

Ref:cosmopolitan.com
မေသော်
Trend Myanmar

Visit website

Posted via Blogaway